【望與余德丞攞拍檔獎】聖誕對住張振朗 蔡思貝預告會Lonely
張振朗余德丞蔡思貝
蔡思貝同張振朗晏晝到海洋公園出席活動,兩人喺活動上均表示今年聖誕要齊齊過Lonely Christmas,佢哋話最近一齊忙緊拍攝《機場特警》,預計聖誕都要繼續開工。
講到蔡思貝有份主演,最近熱播嘅《大帥哥》廣受觀眾歡迎,佢話:「好開心,o依家出到街觀眾都有叫我角色名,真係好感恩。」蔡思貝又大讚主角張衞健(Dicky),佢話:「Dicky就係有能力叫觀眾晚晚追電視,好耐都冇一套劇可以畀大家有追電視嘅感覺。」
講到嚟緊台慶頒獎禮,蔡思貝獲提名最佳女主角、最受歡迎電視女角色及最受歡迎電視拍檔,佢話:「我最想有機會同余德丞一齊攞拍檔獎,反而女主角同女角色,自問要再努力啲先可以諗。」
至於男主角方面蔡思貝話好希望Dicky攞到,因為睇到對方放咗好多心機落去。至於張振朗就話好想憑《美女廚房》攞最佳節目主持:「同阿Bob、蕭正楠合作主持係好開心嘅經驗。」
精選娛聞,喺晒《娛果》
http://fb.com/appledailyent
蔡思貝話相信聖誕都要開工,所以都係會過lonely Christmas。
蔡思貝對自己喺頒獎禮度獲提名最佳女主角,佢坦言話要努力啲先可以諗。