【add即時.尚】專一暖男周柏豪:我唔可以阻止大家鍾意我(1)
周柏豪GucciGivenchy紅人主場Forevermark
男人三十而立,31歲的周柏豪正值黃金時期,音樂、電影和代言廣告工作不絕,愛情如魚得水,30歲後柏豪對人生的計劃大不同,以前想20歲結婚生仔,現在就更珍惜眼前人,擁抱當下,結婚?「要講感覺,想結就會結。」
周柏豪天生高大靚仔,具備型男條件,輕易吸大批女粉絲追隨,近日一位痴心粉絲岑小姐於他facebook瘋狂留言,引起不少網民追看及紛紛留言,「對於我嚟講係一件小事,我每日都喺唔同渠道收到(粉絲)對我嘅一啲愛意,我唔係話我係情聖或者好受歡迎,經理人話呢個歌迷已經喺facebook出現咗一年,可能大家想湊吓熱鬧,我就冇特別感覺,我唔可以阻止大家鍾意我,呢件事要靠時間沖淡。」
粉絲的瘋狂留言並沒有嚇怕柏豪,反而更想用自己的影響力幫助別人,「試過有人留言話有個朋友好喜歡我,不過就中風昏迷喺醫院,希望我可以去醫院同佢朋友打氣,我去醫院探嗰位粉絲時,佢知道我係度,就捉住我隻手,我送咗隻CD畀佢仲拎住睇,不過到我走時佢就再瞓番,幸好呢位歌迷依家已經醒番,之前都探過一個患癌症的小朋友,希望佢加油,我寧願花時間喺呢啲有意義嘅事,都唔會理網上無謂嘅回應。」
靚仔多花心,但柏豪就好長情,只知道他有一個拍拖8年的圈外女友Stephanie,相當低調又專一,問到幾時結婚?他說:「結婚好講突然間嘅感覺,兩個人click着咗想結就會結,結婚冇得特別去計劃。」雖然同女友拍拖多年,但柏豪還未送過鑽石給女友,「暫時仲未送過,但啱啱出嚟做嘢就喺母親節送過畀媽咪,當時買嗰粒鑽石可能已經係我嘅所有,鑽石不論大細,最緊要係心意。」
更多時尚、美容新聞,即上: http://add.appledaily.com