逝者已矣，卡比多羅比(Robbie)終究要接受殘酷的事實，「我當時都搵過好多人傾計，媽咪、教練、社工咁，諗返我喺邊度出嚟，就要喺邊度努力。」生者如斯，Robbie母親多年前離鄉別井，從菲律賓來港當老師，丈夫去世後，昔日三人行頓變母子並肩相依，她舉目只餘兒子一人，兩人關係更形密切。Robbie以桌球填滿心中缺口，升中後他一到周末即脫下校服直奔波樓，往往三更半夜才回家，「我試過追小巴時俾警察攔住，佢哋以為我偷嘢，無啦啦夜晚喺度跑。」他不敢跟母親訴說這段往事，「佢唔知，佢知咗會擔心我。」兒子在外流連，難為母親獨守空屋，每隔一段時間便會打電話催促回家，全晚輾轉反側只為見兒子平安歸來，輕輕一吻始能安心睡覺，「他回家時，他一定會給我一個吻，同樣他離家前必會跟我吻別。」Robbie母親甜絲絲道。

就如其他精英運動員，家住東涌的Robbie平日放學後便要往沙田體育學院訓練，天天舟車勞頓使他難以兼顧學業，「放學4點，過到去差唔多5點半，練波練到10點零11點，返到屋企都12點，跟住仲要做功課，都成1點先瞓。」近年體院與林大輝中學開辦全職運動員高中課程，運動員能申請入住體院宿舍方便訓練，機會當前，其時16歲的Robbie卻陷入兩難，「父親離咗世，我要獨留媽咪喺屋企好唔捨得，係一個大抉擇。」Robbie深宵未歸，母親即徹夜不眠，他深知如果搬進宿舍更教她牽腸掛肚，「記得兩年前亞洲盃之後轉全職，有次夜晚同教練喺屋企樓下傾計，一傾轉全職嘅事都忍唔住留眼淚。」對兩母子而言，這幾年間最大的課題是要學習放手，幾番掙扎，Robbie最終決定轉校及入住體院，「我知道媽咪好錫我，佢願意放手俾個仔轉全職，自己獨居，佢辛苦都係為我好。」

記者﹕洪量丰
攝影﹕朱家駿

--------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------
《體蘋果》陪你睇波講波
https://www.fb.com/appledailysports