林峯今日一臉輕鬆咁出嚟，接受訪問否認退出娛圈嗰陣又一臉無奈，總之佢就係話，冇一個實則嘅時間表，總之屋企人嗌佢返，佢就會返。仲加多句﹕「我唔會唔捨得。」陰公，咁你班fans點算呀？

之前有傳聞謂，林峯因為失獎，所以扭計唔同無綫續約，加埋傳佢推劇(林峯嘅解釋係公司冇通知佢要接呢個劇)，令無綫一怒之下，決定改捧聽話啲嘅登男神馬國明。林峯笑笑口話﹕「公司不嬲個個都捧0架啦，每一個都捧，我哋TVB一年幾十套電視劇，唔通幾個人拍晒咩？要好多演員0架嘛。」

嘩，呢番說話，點解讀好？峯峯係想講，馬國明係「個個都捧」嘅其中一個、定只係「好多演員」嘅其中一個呢？

又或者，峯峯係咪暗示緊，佢仲係受捧嗰個？