【子健蘋馬】跑贏過「載譽歸來」！季內初出一樣橫掃
蘋果日報 2019/10/29 20:25
紅旗星將子健蘋馬
紅旗星將無懼季內初出
明晚（30日）第六場三班1200米，「紅旗星將」是此場唯一季內初出馬，面對11匹已熱身對手，表面似吃虧，細看卻不然。數來數去，只得「馬友冠」及「明駿之星」識上名或贏馬，跑過唔代表一定會較好。
「紅旗星將」升三班後，上季尾緊接跑三次同程取冠亞季各一，贏過「載譽歸來」，輸過畀「年年旺」、「最驫」及「綠野先駒」，睇完上述馬名，再與今場所遇的比一比，「紅旗星將」點會比唔上？
更何況「紅旗星將」上季初出入Q，足以證明不用熱身，都能交出水準，再睇唞暑後操練編排，唔心急試夠兩課大閘，確認操夠後，即安排攻強項，有埋陳嘉熙減十磅，同場更無相同前領跑法馬，食磅、食埋形勢，要贏這批平凡對手，可謂輕而易舉！
第七場三班1650米，賀賢今季初只有少數馬操得好，「勤德兼備」是其中之一。如非近兩場跑近乎盲門的田草1400米及1600米，肯定唔會接連交出快末段輸近。前仗衝21秒9，上仗最後100米受阻都衝22秒3。
試到準後，賀賢終於安排跑強項，原先還怕只得「綫路勇駒」前領，排位後「興爾」補上。抽12檔，要搶就慢唔到，令「勤德兼備」遇上不利慢步速形勢機率大減，同時增強博佢嘅信心。