【李八方online】3.11大戰當前 陳茂波網誌竟然講呢啲...
陳茂波補選李八方
陳茂波3.11網誌,唔講補選亦冇提及預算案派錢。陳茂波網誌圖片
今日係3.11投票日,各路陣營都出動,拉票投票箍票,一票不能少。港島區選民財政司司長陳茂波今朝都去咗投票,冇透露投咗邊位水心候選人,但大家應該心中有數。
而喺補選決戰日,陳茂波繼續出po,以為佢講補選?No,繼續係sell財政預算,佢話預算案有唔少措施推動不同產業,希望年輕人可按個人興趣各展所長,實現理想,又話因應預算案見年輕人時,覺得佢哋普遍都好願意努力拼搏,但係因為工資增長相對慢兼工時長,令事業發展受限制。
之後就到重點,原來係想講,預算案提出咗多元同切合時代需要嘅學習同培訓機會,等年輕人可以喺創科、文化創意甚至電競場上創出一片天地,例如預留500億元支援創科發展,又撥出1億元將數碼港發展為電競熱點。預算案表決之際,已經過咗3.11,政黨倡議嘅全民派錢訴求有望淡化,波波應該會安樂好多。
立會補選新聞,《蘋果》一網睇晒
http://bit.ly/appledaily311