「真係好唔人道!但為咗份工無辦法,只好勒住肚皮啞忍!」和記電訊員工阿文(化名)投訴,個多月前與數十名客戶服務部同事,開始過着「無飯歲月」,惟大家敢怒不敢言。
阿文忿忿不平地表示,個多月前公司向客戶服務部發出指引,取消原本每天一小時的用膳時間,改為累積作補假;以每天九小時一更工作時間計算,只要工作八天,便累積到八個小時,可作補假一天。
「做足九個鐘先可食飯」
「每日要做足九個鐘先至可以食飯,想無胃病都幾難。雖然補番假,但點可以咁樣將人嘅生理時鐘搞亂晒㗎?」阿文向記者抱怨道,客戶服務部共有四十多人,分別於銅鑼灣及旺角的服務中心當值,公司一年前開始抽調客戶服務員工前往各門市協助,每次為數十多人,可謂人人有份。
「喺客戶服務中心當值,有時都可以偷雞買嘢返個位食,但都要鬼鬼竄竄兼極速吞落肚;但喺門市就無機會,不停有客出入,點可以喺客面前食嘢?重成日要企;真係好慘。」阿文無奈稱,所有同事均對新制度不滿,曾向公司反映,所得回覆是:「人手安排唔到,大家將就吓!」