未雨綢繆丨孫慧雪疫市密密接Job進賬6位數 捱到聲沙
蘋果日報 2020/12/09 18:21
孫慧雪
（左：IG圖片）
孫慧雪今日在旺角出席化妝品活動，雖然各行各業仍受武漢疫情影響，但她仍有工作賺錢，她表示既開心又感恩：「最近有好多主持、介紹產品嘅工作，搞到把聲都沙咗。」她表示由11月至現在，已接了超過10個工作，大約有6位數字的進賬，她笑言要好天收埋落雨柴，要做好準備。
提到她月賺6位數字，一定令很多同行羨慕，孫慧雪說：「真係好感恩。」問到有沒有減價？她說：「正常價，其實睇咩類型，如果係小店，佢哋生意受疫情影響，我會叫佢哋send產品畀我，唔收錢照幫佢哋post，互相幫助。」
聖誕節將至，由於現時仍有限聚令，孫慧雪表示只好留在家中與家人慶祝，「準備咗棵聖誕樹，買埋裝飾品，但都未得閒佈置。」
此外，孫慧雪指兒子現時在家中用Zoom上堂，她坦言辛苦了家長：「我要去佢學校攞功課，又要整理佢啲功課，最慘冇時間放電，公園又閂咗，變咗夜晚有好多精力，唔肯瞓，我要同佢跳舞放電。放心，係二人舞！」
平時勤於更新IG的孫慧雪，近日經常貼出開工照，相信她真的接job接到手軟。
孫慧雪表示自己接job接到聲沙。
孫慧雪近日頻頻貼出開工相。（IG圖片）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！