早幾日約咗幾位阿太Shopping,之後去杏花村探個朋友,由中環入杏花村期間,行經唔少路段嘅時速限制係7、80公里,大姨媽我都Keep住時速行80公里,點知見到部掛住P牌嘅車超越我咁叻叻嘅?我問過當差嘅朋友,佢話P牌車速唔可以超過時速70公里,就算條路嘅車速限制超過每小時70公里都好,車速都唔可以超過每小時70公里。咪話大姨媽我唔提醒P牌仔,行車除咗唔可過時速70公里之外,上到有3條行車線嘅高速高速公路,千祈咪行快線,即係唔可以行最右線㗎!講真,掛得P牌即是話你個牌都係今年2月9日之後至考到,車齡得唔夠兩個月,唔該有啲自知之明,馬路唔係考膽量嘅地方,守法至要緊!