當年今日
關於我們

【千字文否認整過容】為小米粒要健康美麗 伊能靜:愛是我們最大的動力

蘋果日報 2018/12/20 14:45

整過容秦昊伊能靜

明年3月係台灣藝人伊能靜嘅50歲生日,伊能靜同大陸男星秦昊結咗婚之後,喺15年生咗囡囡「小米粒」,話晒47歲再做媽媽,嗰陣喺網上都引起咗唔少話題!
其實,除咗高齡生女之外,伊能靜嘅容貌亦一度成為熱話,唔少人覺得佢keep得好好,封咗佢咗美魔女,但係亦有人質疑,一切只係佢嘅整容成果!
今朝伊能靜喺微博寫咗篇千字文,對於被指整過容,佢話:「最近好多人說我整了,某種意義上,是變相讚美我變漂亮了。」之後伊能靜解釋係因為戴咗兩年牙套調整面形,再喺飲食嘅配合下先有呢個效果:「雖然忙到沒有太多時間健身,但我盡量步行,陪米粒的時候,多走路,這樣一段時間堅持下來,感覺皮膚更緊致,膚色也白皙。好油、低醣、蔬菜、原型食物,讓我感覺自己更精神。」
事實上伊能靜之所以咁堅持keep好自己,原來係為咗囡囡小米粒,佢話:「我不斷想到當米粒在我的年紀時,我已經在生理年齡上非常老齡了,但我此刻跟秦先生旅行、跟兒子做音樂、帶著公婆、媽媽、姐姐遊山玩水,為了到米粒中年時,我的身體還能自由的操作,我有了更大的動力,讓自己健康美麗。(不要說不可能,未來醫學已經有許多突破性的發展,只是多數人不知道。)」佢仲話:「愛是我們最大的動力,我要求自己,因為我愛家人,希望自己一直是他們閃亮的榜樣,更愛自己,身體是我經驗人生的好夥伴,我感恩它,我希望能跟身體一直好好的作伴下去。」
精選娛聞,喺晒《娛果》
http://fb.com/appledailyent
empty
伊能靜否認整容!(微博圖片)
empty
伊能靜寫千字文為自己澄清!(微博圖片)