韓國女神全智賢雖然目前正趕拍新劇《藍色海洋的傳說》，但女神產後復出時就頻頻接拍廣告job，而廣告亦keep住有新相公開，所以粉絲可以不時見到女神嘅新相。

而全智賢代言嘅珠寶品牌今日亦公開新代言照及廣告短片，相及短片中女神身穿藍色禮服企喺魚缸旁邊，大晒香肩同鎖骨，好不性感，女神又不時望向鏡頭，再加上招牌長髮，真係電死粉絲。品牌方面亦表示全智賢嘅自然優雅、美麗形象都好符合品牌形象，所以揀咗女神成為代言人。