上月完成嘅NBA明星賽毀譽參半，衝得分、刷數據唔係每位球迷都睇得咁過癮，似乎連NBA總裁阿當施華（Adam Silver）都睇到悶，周五喺一場研討會公開表示，話同快艇控衛兼球員工會主席基斯保羅（Chris Paul）有所共識，下年明星賽是時候改變了！

施華表示：「我哋下年會作出改變，明星賽當然唔會似得季後賽咁激烈，但球員應該要作戰。」佢又透露同CP3度咗啲橋，包括喺場區個別位置引入「4分波」，甚至中場入波就計10分，或者搵兩位隊長好似街場咁猜人入隊，諗落都幾過癮，施華仲叫大家將任何天馬行空嘅idea電郵去[email protected]，球迷們不妨試吓！