Alex同Stephy都盛裝出席,Stephy仲不時騷一騷佢嘅玉背㖭,講到一齊攞獎,Stephy話:「我哋兩個夾埋一齊人氣都勁啲。」咁兩個咪打風都打唔甩?Stephy大方咁話:「係㗎!打風都打唔甩,『浣熊』都打唔甩我哋呀。」不過在旁嘅Alex就好似唔多認同,佢講笑咁話:「『浣熊』走咗喇喎。」兩個人喺現場毫不避忌咁打情罵俏。
講到Alex打敗陳冠希同周潤發,佢話:「其實都係因為廣告商啫,佢哋拍個廣告出色,我先可以攞到獎。」問到佢哋兩個想唔想一齊拍廣告?Alex講笑話:「想呀,我想同Stephy一齊拍纖體廣告,我就着三角褲,佢就着三點式,中間仲要放條蛇。」