當年今日
關於我們

【「對食」無望】康華被屈縱火殺周秀娜 韋家雄甘願替死…

蘋果日報 2018/06/21 00:00

劉心悠蕭正楠康華馬國明韋家雄

【新增內容】
四年一度體壇盛事「2018俄羅斯世界盃」正式開鑼,話晒呢個係國際盛事,唔睇又點會有話題?雖然有報道話無綫下令要低調處理世界盃,但係似乎抑制唔到收視下跌!
好似合拍劇《宮心計2深宮計》,喺世盃前夕嘅收視平穩,遇到呢個咁強勁嘅對手,贏嘅機會當然好低。唔知劉心悠、周秀娜又會唔會幫到手呢?喺聽晚播映嘅24集,胡定欣又因為皇嗣之事,繼續受到陳煒嘅施壓,韓馬利仲叫佢放下私心,接受娜姐。
表面上胡定欣向娜姐示好,又喺馬浚偉面前幫佢講好說話,但係實際上佢係搵機會殺娜姐,除去呢粒眼中釘!結果娜姐藏書閣閱讀抄寫期間,突然遇上失火,好彩最後得馬國明同蕭正楠救出,總算無大礙,陳煒仲把握機會,希望剷除馬浚偉同胡定欣!
經過連日調查,馬國明發現事件同胡定欣有關,喺馬國明同馬浚偉嘅追問下,胡定欣堅持同佢無關,令眾人束手無策。不過馬浚偉知道如果交由陳煒負責調查,最後一定會知道真相,到時令佢嘅皇位不保,最後決定搵「南宮司設」康華頂包!
一直希望同康華「對食」嘅韋家雄,知道之後決定代康華認罪。雖然劉心悠明知成件事同佢無關,力勸佢講出真相,但係韋家雄反而求劉心悠,等佢可以為自己愛嘅人而死,劉心悠亦大感無奈,最後韋家雄……。
另一方面,謝雪心一直調查蕭正楠嘅身世,最後發現原來佢係當年肅明皇后嘅兒子、亦即係李龍基嘅嫡子,唔知呢個秘密又可以守到幾耐?
康華今日接受傳媒訪問,講到呢一幕戲,佢話:「我拍嗰陣都好感動,之後仲會有一場送別戲,嗰場戲係喺橫店拍,我半夜落機就即刻去咗化妝,之後一朝早就去拍,最初拍嗰陣,個天都落緊雨,中途因為要避咗個表演而停咗機,天氣變得好好,不過天公造美,到我哋拍嗰陣又落番雨,所以成個畫面變得好感人。」
康華仲話:「我同韋家雄合作咗好多次,佢拍嗰陣又好鬼搞笑,又話我啲眼淚鼻涕唔連戲,搞到我喊完又笑,笑完又喊,所以呢場戲印象好深刻。

精選娛聞,喺晒《娛果》
http://fb.com/appledailyent
empty
(網上截圖)
empty
表面上胡定欣向娜姐示好,又喺馬浚偉面前幫佢講好說話(網上截圖)
empty
但係實際上佢係搵機會殺娜姐,除去呢粒眼中釘!(網上截圖)
empty
結果娜姐藏書閣閱讀抄寫期間,突然遇上失火(網上截圖)
empty
(網上截圖)
empty
經過連日調查,馬浚偉決定搵「南宮司設」康華頂包!(網上截圖)
empty
韋家雄知道之後決定代康華認罪(網上截圖)
empty
劉心悠明知成件事同佢無關,力勸佢講出真相(網上截圖)
empty
韋家雄反而求劉心悠,等佢可以為自己愛嘅人而死(網上截圖)
empty
謝雪心一直調查蕭正楠嘅身世,最後發現原來佢係當年肅明皇后嘅兒子(網上截圖)