早前報道過皇家馬德里教練施丹嘅大囝安素（Enzo Zidane，右）就決定離開父蔭自力更生，司職中場嘅佢由皇馬轉會到西甲球會艾拉維斯。不過，安素嘅細佬，即係施丹嘅二公子盧卡（Luca Zidane，左）據報就將會由皇馬B隊獲提升到一隊，成為皇馬嘅3號門將。19歲嘅盧卡冇正面回應有關報道，佢話如果自己真係獲提升到一隊，呢啲係自己努力嘅回報，絕對唔係靠人事，佢仲話有信心假以時日，可以成為皇馬正選門將㖭！