爆冷被今屆香港電影金像獎提名影后嘅江若琳，近日頻頻為《金像獎》靚衫而瞓唔安樂，佢今日去到商台接受訪問話：「對獎項係平常心，相反成日發夢條裙突然變成短裙或換咗款，依家經已準備好，會係白色神秘性感。」

問到係咪似干露露咁透視裝，江若琳話：「唔係干露露咁，會以簡單感覺為主。」佢覺得能夠獲提名經已好開心，至於台詞只是諗過下，感謝林小明投資、邱禮濤導演及杜汶澤提點。