自從去年8月大陸爆出「限韓令」後，唔少韓星因為冇得返大陸搵銀，所以都多咗嚟香港，所以搞到香港好熱鬧，啲粉絲亦都好頻撲，每個月都要預定時間追星。

而嚟緊1月至3月都有唔少韓星嚟香港見粉絲，0依家就數吓到底有幾多韓星會嚟香港同埋澳門。

今日：姜棟元、金宇彬會去鑽石山荷李活廣場宣傳新片《MASTER》

1月15日：男團GOT7會喺澳門新濠影滙舉行見面會，同日CNBLUE成員鄭容和亦會到新濠影滙宣傳新片《決戰食神》

1月21日：天團BIGBANG喺啟德郵輪碼頭開首個戶外騷，呢一日就係頭場。同日仲有FT Island喺亞博館開騷，正面對撼BIGBANG。

1月22日：BIGBANG舉行第二場騷，同日韓版《步步驚心》男星李準基喺亞博館開演唱會

2月11日：男團EXO喺亞博舉行頭場演唱會

2月12日：EXO繼續第二場亦都係尾場演唱會

2月18日：《Running Man》五位成員宋智孝、金鐘國、李光洙、HaHa及池錫辰會喺澳門威尼斯人金光綜藝館開見面會，而香港亞博館就有男團VIXX開騷

2月19日：女團A Pink首次來港喺亞博館開演唱會

3月3日：去年出道男團ASTRO喺旺角麥花臣場館開騷

3月9日或10日：上月退伍嘅男團JYJ成員金在中展開亞巡，原本有指佢會喺2月4號開騷，但唔知係唔係唔夠時間準備，網上有消息就指金在中將於3月9號或10號喺灣仔會展開騷

3月11日：女團少女時代嘅徐玄同Yuri為代言人嘅洗頭水嚟香港搞見面會

3月底：《Running Man》成員有望再嚟香港舉行最後一次見面會

另外，女團TWICE、防彈少年團（BTS）、李鍾碩、池昌旭、朴海鎮、金鐘國等都會展開巡迴演唱會或見面會，但佢哋都未公佈到底會唔會嚟香港或者澳門。