當年今日
關於我們

701收料站:時富併完股或抽水

蘋果日報 2002/05/04 00:00


時富投資(2933)噚日失驚無神勁升52%,收2元。新晉融資界年輕才俊話,師傅教落,併股之後通常發新股集資,但各種集資方法中,最怕就係供股。
時富噚日急升有成1414萬銀成交,以時富20併1計,家陣股價2元,其實只係等於合併前10仙,點計都係平。
經紀陳亦在旁加把口話,市場傳咗好耐有人周圍搵人幫手想炒起時富,但一直未能如願,或者因為之前發行股數太多難炒,所以炒家唔肯輕易幫手。
至於講到可能集資一事,經紀陳亦話有可能,皆因之前業績確實蝕得好勁,真係有大條藉口。不過,家陣併股程序尚未完成,斷估唔會咁快成事。
至於同系賣家具嘅實惠集團(996),雖然曾經郁過一輪,兼且公司又大賣廣告,但就唔見有異動。
經紀陳叫小初耐心等吓,佢話會逐隻逐隻輪住炒。
慕容小初