留學半年科科攞A
左慧琪暑假回流搵快錢

蘋果日報 2004/07/09 00:00


左慧琪前晚化妝四小時變身金光女郎為美容活動行騷,暑期回港賺快錢的她,揚言拋下一切赴英國修讀酒店管理課程,有信心科科考A,明年以最高榮譽畢業。
負笈英國的港姐亞軍左慧琪前晚為一美容協會任模特兒,與混血名模Rosemary及鍾淑慧示範華麗舞會化妝。久未露面的左慧琪一身金色低胸裝,露出玉背及美腿,行騷時神態自若,信心十足。

力撐港姐師妹
左慧琪表示放暑假回港賺快錢,她說:「今日個妝係印尼出名嘅美容師幫我化,化咗四個鐘頭。我𠵱家喺英國讀酒店管理,讀咗六個月,重有一年左右,下個禮拜派成績,我有信心好多科都係A,我放低咁多嘢去讀書,唔想令自己失望,所以好努力,希望以最高榮譽畢業啦。」
左慧琪表示現時沒有拍拖,亦無男士追求,她說:「我好忙㗎,今個假期重要寫五萬字報告做功課。」提到今屆港姐被批評質素下降,左慧琪力撐師妹說:「個個質素都幾好,我覺得唔錯喎!」

自歎不如人妖
此外,Rosemary紮起巨型髮塔,搶鏡之餘,卻令她頭痛不已。她又表示早前到泰國拍攝洗頭水廣告,見識不少人妖靚女,她說:「真係分唔到男定女,佢哋皮膚好滑,對腳又幼又長,重靚過我!」
採訪:顏英儀
攝影:陳烱威
empty
鍾淑慧揚言在港做騷壓力大。
empty
Rosemary從泰國拍完廣告回港,大讚人妖豔麗。