現年30歲嘅韓國「國民妹妹」始祖文根英，今年2月患上急性骨筋膜室綜合症，先後接受咗四次手術先免除截肢，而文根英工作亦全面喊停，專心休養。

而有成7個月冇公開露面嘅文根英，已落實喺下月12號亮相「第22屆釜山國際電影節」，文根英有份主演嘅電影《玻璃庭院》將作為開幕電影，文根英將亮相電影節配合電影宣傳。相關人士亦表示文根英正為電影節做準備，現時正為痊癒正在努力接受治療。