國家主席習近平今早在石崗軍營檢閱駐港解放軍部隊，相比前主席胡錦濤2012年來港時檢閱部隊的規模更大。時事評論員劉銳紹認為今次閱兵是要顯示習近平在中央的領導地位，規模比歷任國家領導人訪港時都要強及龐大，「佢今次訪港嘅保安規格、閱兵規格，都要比以前歷任領導人都要強，佢嘅核心地位係不斷透過唔同場合顯示出嚟。」

劉銳紹續稱，今次閱兵更是要顯示駐港解放軍是香港穩定的「定海神針」，同時顯示軍威，「今次閱兵裝備，如果按香港防衛嚟講，短期內都唔需要呢種裝備，但佢要顯示軍威，呢個訊息是要配合解放軍喺香港角色，有需要時會發揮『定海神針』嘅作用，呢個訊息係好明顯。」

閱兵過程中，當習近平說「同志們好」，解放軍就以「主席好」回答。劉銳紹認為雙方的稱呼明顯是要強調習近平的國家主席和中央軍委主席身分，刻意要淡化他作為黨總書記的角色，有關做法相信是要適應香港社會氣氛，盡量令港人不要過分敏感。「係內地政治文化中，包括黨、政、軍三方面嘅含意。今次講『主席』好明顯要突出佢係國家主席、中央軍委主席身份，淡化黨總書記角色，但唔代表係削弱咗習作為黨總書記角色。」