韓國少女時代（少時）前成員秀英跟演員男友鄭京浩拍拖第六年，兩人感情一向穩定，早前秀英更特別送上咖啡車，為忙於拍攝劇集《機智牢房生活》嘅男友打氣。近日秀英拍攝真人騷《90年生崔秀英》，亦於節目中公開佢跟男友傾電話嘅場面，繼續放閃。

於今日播出嘅首集中，公開秀英嘅日常生活，包括佢喺屋企追睇男友主演嘅劇集，以及佢跟男友傾電話時撒嬌嘅一面。

另外，於噚日舉行嘅《第32屆金唱片頒獎禮》「唱片部門」頒獎禮中，少時奪得本賞，噚晚秀英於Instagram公開少時嘅舊合照，留言感謝昔日隊友及粉絲。


更多韓流，喺晒《娛果》
http://fb.com/appledailyent