玩具大王蔡志明孻仔蔡加讚(Karson)，2013年迎娶「宇宙最強」甄子丹嘅姨仔汪圓圓，當時奶奶李惠莉講明想加讚同圓圓生夠6個B，圓圓肩負起為蔡家添丁嘅重任，亦不負所托，前年先幫老公加讚生咗愛女Celine後，僅相隔10個月，又再度懷孕，今胎仲一次生兩個，認真有福氣(新聞連結： http://bit.ly/1S1gcwa )，已育有3個仔女，距離生6個嘅計劃，已完成一半!

圓圓噚日生咗一對孖仔Christian同Kameron，分別重6.5磅及6磅，母子平安!

蔡太李惠莉同汪詩詩今早一齊去沙田仁安醫院探B，到下午12點半離開醫院，蔡太表示好開心，問佢BB似邊個?佢就話：「似爸爸，似Karson，兩個都好似。」蔡太話孖B個中文名仲諗緊，咁Karson係唔係陪住圓圓，蔡太笑言：「係呀!佢當然要喇!喺上面陪緊圓圓。」

講到會唔會獎勵圓圓，蔡太稱：「要嘅!佢都好辛苦，一個6磅半、一個6磅，O依家最緊要係養好身體。」蔡太仲話要遲啲先可以整補品畀圓圓，因為圓圓暫時未食得，等傷口埋咗先，又指圓圓生孖胎，可能要遲啲先出得院，不過，蔡太多謝大家關心，而圓圓胞姊汪詩詩今日亦專程拎嘢畀細妹，之後就要趕住搭飛機走。