當年今日

中環在線:台BlingBling教主蔡伊琳 20萬本變月入千萬 - 李華華

蘋果日報 2009/08/17 06:00


有「台灣BlingBling教主」之稱嘅蔡伊琳(同Jolin蔡依林發音一樣)嚟咗香港,同港人分享吓佢經歷過台灣921大地震,又受股災影響,逾億台幣身家化為烏有嘅艱苦歷程。佢有非一般毅力,並成功抓住客人心態,開拓BlingBling閃鑽同埋包膜專利嘅特許經營王國,畀佢殺出一條血路。
原本以賣通訊產品起家嘅蔡伊琳,高峯期身家過億台幣,但係面對地震、股災、同業減價戰,令佢跌落人生谷底,佢不單止無放棄,仲節衣縮食,三餐只用台幣50蚊(約12港元)搞掂,佢捕捉客人謹慎消費但又追求換手機嘅新鮮感,專程去日本學習包膜技術(即係印有設計圖案嘅底貼),融合BlingBling美甲熱潮,以20萬台幣開發手機貼鑽及包膜市場,家每月營業額過千萬台幣。
蔡伊琳來港除咗分享佢五年來嘅翻身傳奇,而佢嘅水鑽藝術品會喺新元朗中心展出。