由余文樂、杜汶澤等主演嘅《飛虎出征》票房報捷，截至噚日收1,088萬元。咁收得，監製彭浩翔噚晚唔使再拉隊穿梭戲院謝票喇，但都係謝，不過係答謝一眾演員。之但係，慶完功，佢哋都係去咗突擊謝票，咁啱噚日，前日亦是彭浩翔太太生日，彭送上蛋糕及鮮花，二人在眾人起哄下錫錫。之後一眾演員突擊去戲院謝票。


噚晚《飛虎》喺尖沙嘴舉行慶功宴，阿澤一嚟就喺台上笑道：「呢度咁似夜總會，叫紅牌阿姑邵音音帶啲女出嚟。」接著音音姐便領著陳靜(DaDa)、林兆霞、CeliaK.(郭穎兒)等行catwalk出場。

咁仲唔止，戲肉，喺呢度……食鮑魚。一班囡囡服待眾出征猛男，樂仔先行受惠，音音姐餵佢食鮑魚，樂仔一見音音姐用叉叉住隻肥美可愛大鮑鮑，個樣有啲驚:「你俾你隻鮑魚我呀？」音音姐笑到係咁「自震」，阿澤就喺旁邊喪笑。樂仔冷靜下來，就嚟料喇:「我好榮幸食到音音姐隻鮑魚！」阿澤即笑道:「佢珍藏咁多年，係留番俾你0架！」樂仔即接口道:「乾鮑!」最後樂仔惟有硬食啦！！！！