當年今日
關於我們

【要做嘢甩底】關注卓韻芝花球落誰家 周勵淇:應該留番畀我

蘋果日報 2018/09/18 18:47

卓韻芝再創世紀周勵淇

周勵淇(Niki)今日喺中環為手錶概念店做剪綵嘉賓,店舖以中國茶樓作主題,Niki就喺現場派包點畀圍觀人士。
Niki噚日喺上海工作回港,受到颱風影響,航班延遲兩個鐘,返到香港喺上空盤旋咗一個鐘睇夜景,回到家後十分緊張窗戶有冇爆玻璃同漏水,好彩安然無恙。
颱風襲港前夕好朋友卓韻芝出嫁,Niki就去咗上海搵錢工作,甩底冇做姊妹,佢解釋:「收帖前已經同佢講咗,但佢話要畀帖我,我都好遺憾,Sammi佢哋都send咗啲圖嚟畀我睇,好感動,遲啲會同佢老公同婆婆食飯,希望佢快啲生仔,佢拍拖又快,結婚又快,希望生仔都快,好幸運佢打風前一晚結婚。」 Niki關注當日邊個接花球,仲話:「班姊妹團之中都係得我同阿Sa未結婚,阿Sa都結過,應該留番畀我,兩姊妹冇所謂,我都希望佢快啲,但佢成日都話已經結過啦。」
Niki有份主演嘅劇集《再創世紀》喺大陸成績一般,香港放映後暫未有收視,Niki話:「暫時未知收視,希望打風啲人喺屋企睇電視支持。」但喺大陸收視欠佳,佢話:「唔太清楚,演員好被動,但拍嘅過程好享受,香港比較少呢類大製作,好榮幸可以參與,而且一班演員都未合作過,又去咗好多地方取景,值得香港觀眾開電視睇,請大家包容,多啲欣賞。」劇集播出後好多網民批評,Niki話:「暫時未有時間睇,但會睇返,無論善意惡意作為演員都要接受,最緊要大家欣賞。」
另外黃芷晴亦是座上客,九月初爸爸黃日華生日,佢親手煮咗個生日大餐同屋企人分享,黃芷晴現時感情生活穩定,父母冇刻意催婚,現時等男友主動求婚,佢話:「媽咪之前將嫁妝影過相畀我睇,仲話唔知到時啱唔啱用,不過冇催我。」
精選娛聞,喺晒《娛果》
http://fb.com/appledailyent
empty
Niki今日喺中環為手錶概念店做剪綵嘉賓
empty
店舖以中國茶樓作主題,Niki就喺現場派包點畀圍觀人士。
empty
Niki噚日喺上海工作回港,受到颱風影響,航班延遲兩個鐘
empty
好朋友卓韻芝出嫁,Niki關注當日邊個接花球,仲話:「阿Sa都結過,應該留番畀我。」
empty
黃芷晴現時感情生活穩定,父母冇刻意催婚。