當年今日
關於我們

【獨家】同期出身做晒巨星!56歲「畫出彩虹」詹秉熙:你仲係甲乙丙丁

蘋果日報 2017/06/14 00:02

詹秉熙畫出彩虹

「在天空上,用我的愛去畫長虹。」訪問完詹秉熙,陳百強唱嘅呢兩句歌詞,一直喺腦海縈繞不去。
32年前,24歲嘅詹秉熙,一出無綫訓練班,同年即夥拍張曼玉,喺電視劇《畫出彩虹》擔正做男一,前途原本如七色彩虹般璀璨,但諷刺嘅係,《畫出彩虹》,並未為詹秉熙嘅事業,畫出彩虹。
現時一家四口家住上水村屋嘅詹秉熙,原來家中有整整兩個箱,放滿有佢做封面、訪問嘅雜誌、報刊。詹秉熙更會仔細喺每本雜誌嘅封面,mark低頁碼記號,方便翻揭細味。對住面前超過30年嘅歷史見證,見證住詹秉熙都曾經當紮過。
詹秉熙現時已少有喺幕前出現,反而自己開製作公司,自己返大陸登台之餘,亦搭路幫藝人去大陸搵食。對於當年一剎那光輝,詹秉熙喺家中接受《蘋果》訪問時,坦言一個人成敗得失,取決喺個天。「呢一行就係咁,好多嘢唔係你做主動,我自己講嘢好直,當時我做男主角,有人說三道四又有,有啲人搵個腦嚟聽嘢又有,好在我唔理人點講,或者講嘢直,有嗰句講嗰句,自己得罪咗人都唔知。」
性格決定命運,但詹秉熙話自己有碗話碗嘅性格,至今無變:「我算大脾氣,人哋唔啱,撞正我心情唔好就會爆,嗰時喺訓練班學咗3個月出嚟就話做主角,根本乜都唔識做番自己。o依家都係,屋企人成日同我講,叫我改吓脾氣,點改啫?我成日覺得做人嘅嘢,就算你點做都實有人話你唔啱,咪做番自己咪算囉,都做咗幾十年人啦,仲點改呀?過一日賺一日啦。」
起步快,可惜跌得仲快,試過冇工開冇收入量地之時,回想昔日,詹秉熙都會覺得做人圓滑啲,或者條路易行啲。「同期出身,有啲已經做咗天王巨星,你到o依家都仲係甲乙丙丁。」的確,同佢做拍檔嘅張曼玉,早已蜚聲國際。至於同期嘅梁朝偉同劉德華,到o依家都仲穏坐影壇一線。「諗番當初如果主動啲,同吓監製、導演傾多啲偈,或者搵吓老闆搵機會呀,可能會好啲嘅,不過你個人就會辛苦啲囉。」
empty
攝影:沈健程
empty
詹秉熙原來屋企仲保留咗兩大箱有超過30年歷史嘅雜誌。
empty
全部都有佢嘅訪問同相,保存到o依家真係好犀利。
empty
詹秉熙話近年都好少攞番出嚟睇囉。
empty
同張曼玉做封面嘅雜誌。
empty
empty
empty
有兩公婆嘅結婚報道。
empty
詹秉熙一出訓練班就做電視劇《畫出彩虹》。
empty
同周海媚做《赤腳紳士》。
empty
年輕時嘅詹秉熙,外型絕對可以上一線。