林鄭昨日與「港區省級政協委員聯誼會」閉門交流一小時後表示,自己過去幾年對「港區省級政協委員聯誼會」活動給予了大力支持,又主動提出政綱和提名數量問題,指考慮到選委意見,決定提前在本月內即公佈全面政綱,「所以我呢日就比較忙,同我嘅政策顧問寫緊全面政綱,爭取最遲在下周二或之前公佈全面政綱」。
問到是否已夠票入閘時,林鄭月娥表示:「我有呢個信心嘅、有呢個信心。」至於會否停收選委提名票,林鄭月娥指今次是一場公開、公平、公正選舉,1,194名選委都有提名權,「唔係存在參選人去停收,或者去搶呢個選舉嘅提名票」,表示會盡自己所能,向選委介紹施政理念。
對於另一特首參選人曾俊華同時入閘,會否影響自己勝算,林鄭稱不擔心,當被問到曾否聽過前特首董建華所說,曾俊華一旦當選特首,中央也不會任命的說法時,林鄭未有正面回應,只一度「口窒」說:「我……我……我睇到好似話團結香港基金出咗一個聲明嘞」就轉身離開。
■記者林俊謙