謝賢(四哥)在明晚播映的《向世界出發》之《風流.快活.墨西哥》中,罕有地提及與霆鋒的父子情。四哥指02年霆鋒因頂包案還押監房,是作為父親的一生最痛。
四哥說:「我每日都有探佢(霆鋒),隔住玻璃我同佢兩隻手掂住,眼淚喺心裏流。霆鋒寫過封信畀我,佢話:『頂得住、撐得住,Ihaveyourblood。』睇到自己都好感觸。」四哥說時也忍不住落淚。他又說:「我都有話楊受成(英皇娛樂老闆),霆鋒一出道楊受成就縱壞佢,搵成四、五個保母跟住佢,卒之真係縱壞咗,做咗啲錯事,但係呢啲錯事對佢可能係好事,咁佢先至清醒番、成熟咗。」