汪明荃前晚在將軍澳電視廣播城錄影無綫節目《紅星追聲名歌SING》。
對於契仔謝霆鋒和女友王菲在北京拖手高調公開復合,阿姐說:「咁咪好囉,男女朋友應份嘅,最緊要佢開心。年輕人嘅嘢唔理得咁多,如果佢派到帖畀我嘅,咪做人情囉。」
阿姐又透露她的演唱會邀請了楊千嬅做嘉賓,二人會合唱,她表示欣賞楊千嬅可以做出自己的風格。至於好友黃霑曾患癌症,阿姐說:「佢喺亞視做節目嗰陣已經發現有cancer,好在發現得早。」
「帶阿菲嚟見我」
此外,阿姐昨日接受新城訪問,再次被問到霆鋒與王菲拖手時,她說:「最好佢帶埋阿菲嚟見我,咁我可以唱首《給自己的情書》。」事後阿姐表示只是開玩笑。
對於羅家英踢爆她撞車,她說:「佢自己都喺內地撞咗啦,只係識講人哋。」
採訪、攝影:王崇穎