當年今日
關於我們

【首集低開9.6%】《監獄的公主》開播 菅野美穗色誘伊勢谷友介

蘋果日報 2017/10/19 09:30

菅野美穗小泉今日子伊勢谷友介監獄的公主

日本TBS電視台王牌編劇宮藤官九郎炮製新劇《監獄的公主》,女星陣容已夠睇頭,分別有小泉今日子、菅野美穗、滿島光、夏帆同埋坂井真紀合作,仲有甚少拍劇嘅伊勢谷友介飾演型男社長,更被小泉今日子、菅野美穗扮演嘅女囚在出獄後,聯同監獄嘅女教官滿島光展開策畫五年嘅綁架計劃。
《監獄的公主》前日播出第一集,有壇蜜及爆笑問題客串,一班女主角為綁架絞盡腦汁,小泉今日子玩cosplay化身戰隊,菅野美穗更色誘伊勢谷上演床上肉搏,不過只交付到除衫就點到即止。劇集開播錄得9.6%收視,而下集就請來女模押切萌在劇中客串演回自己。