(新增回應)

咁快又一年零八個月。

2016年4月1日，亞視熄機。

今日，亞視又復活——其實嚴格嚟講，佢係一直都存在，大埔總台如常日日有人返工。

是日中午，亞視新任CEO吳雨，同新版《百萬富翁》主持兼前無綫總經理陳志雲，整咗個local tour，帶記者重遊亞視，同介紹下新版《百萬富翁》廠景及玩法。

咁大埔總台依家有乜嘢唔同咗？

亞視舊logo已拆，不過玻璃門嘅舊台徽貼紙仲喺度。據知亞視稍後會翻新油。

新台徽未掛上去，1月29日會有個新台徽揭幕儀式。至於亞視支旗……咦，冇扯喎！點解嘅？

咁亞視個台徽幾時掛番上去？原來都係等重生亞視嘅第一個台慶日——都係下月29日。新任行政總裁吳雨今日接受傳媒訪問時謂，將進行全面裝修，大堂、錄影廠等都會修葺，等大家見到一個全新嘅亞視。「逐樣逐樣嚟啦，慢慢做，唉，長命功夫呀！長命抗戰，有排做呀！始終停咗一段好長時間，我初初嚟嘅時候lift都未有（壞咗冇維修），我都行樓梯，依家有番廠車接番員工返工，有番canteen。以前得幾廿人，依家唔會，依家有幾百人，慢慢逐樣執，我都好頭痛。」

「好嘅就係零嘅開始，以前嘅嘢都喺度，要執過，制度唔同咗，節目形式又唔咗。都算係咁啦，我三月返工，依家有節目做到，大家同事一齊做到。」

更多娛聞，喺晒《娛果》
http://fb.com/appledailyent