「呢八金係話畀各位香港市民知，證明香港運動員係得，我地一啲都唔平凡！」球證長笛一鳴，連續兩屆於七欖決賽飲恨的港隊終嘗冠軍滋味，三朝功臣姚錦成賽後嚎哭不已。這塊金牌他由2010年起足足等了八年，期間所捨棄的是與妻子相處的時間、經歷身邊人對以運動維生的質疑，今夜他以一記彌足珍貴的達陣向球迷宣告：「我做運動員呢條路係無錯。」

港隊過去兩屆都敗於日本隊手上，一如所料，兩軍在雅加達的決賽草場相遇，然而今次港隊再不是低頭垂淚的一方。歷盡港隊起跌的姚錦成賽後緊握雙拳，激動大喝，連說「等咗八年喇！」這名達而立之年的華將坦言一切艱苦都值得，「等咗八年，我地第一屆廣州爭少少、第二屆仁川都係銀牌，今屆值得終於攞冠軍，心情真係好激動，值得嘅！」他笑說一直說服自己30歲絕對不老，堅持在球場奔走，不奪冠軍誓不退，今次或終可以「光榮退休」。

自09年首披港隊戰衣，姚錦成磨劍九年苦盡甘來。頒獎台上一步之遙，對阿成而言卻是長路漫漫，這塊沉甸甸的獎牌代表他與家人至親的犧牲和付出，更是當運動員絕非錯誤的憑據，「我要送塊牌畀老婆，佢都好辛苦，我好少時間陪佢，佢做老師，我地時間有衝突，一年一次只係可以聖誕節去旅行。我好多謝家人付出好多，我知佢地一開始唔支持欖球，但我一路俾成績，證明俾佢地知我呢條路無錯。」

運動員走的，是一條「雖千萬人」的路，就似迎著冷風在懸崖邊走路，一次傷病、一次大賽失利、一次賽制變革，財政、生計、事業頓成空，很多人未見懸崖已然卻步；不過今屆港隊的45塊獎牌，也肯定了港隊的成就，阿成揚言香港雖彈丸之地，人才濟濟，絕非泛泛，「我想同家長講，玩運動真係有出息。香港好細，但有好多人材，呢八金係話畀各位香港市民知，證明香港運動員係得，我地一啲都唔平凡！」

在懸崖下有人見其勢險要即掉頭，有人走兩步膽顫心驚放棄，但姚錦成用自身經歷向大家說明，要翻過懸崖才得見更壯麗的風景，「呢條路係好難行，但係挨到尾都一定值得，唔好咁容易放棄。」

記者：洪量丰

--------------------
意大利藍戰士駕到BFB CHAMPIONS 2.0！登入即送★7[Ex]尼斯達'07！立即下載 http://bit.ly/2xrTKGM
--------------------
《體蘋果》陪你睇波講波
https://www.fb.com/appledailysports