60年代當紅邵氏女星秦萍（原名陳小平）於本月6日病逝，享年68歲（新聞連結： http://bit.ly/2xlICyE ）。其丈夫郭志彬及家人今日於香港殯儀館基恩堂為她設靈，明日舉殯。

鄧達智於今日6點15分左右現身，他表示認識秦萍，因為以前有個共同朋友於邵氏做美指，鄧達智更指當年秦萍娶新抱，找了自己去造衫，他說：「其實大家都好傾得埋，成日都會見面，秦萍有時會嚟我屋企。自從秦萍個仔嘅婚禮後已經好少見到，因為佢已經身體不適，好少出嚟，秦萍直接話俾我聽自己身體有事，仲話希望身體好啲可以一齊出嚟食飯。」

至於會否與剛舉行婚宴的他相沖？鄧達智表示：「我唔介意，其實當日媒體報道我結婚呢個消息，同日都有報道秦萍姐姐走，其實佢係我細個時嘅偶像，呢個係我嘅光榮。」

6點35分左右，楊愛瑾（Miki）同老公郭永淳一同離開，問到他們三叔母秦萍有無遺願未了等問題，郭永淳都沒有回答，只稱「Sorry, sorry…」便上車離開。他們走後，約在6點40分左右，陳曼娜到場。