中國地產(1838)現價係NAV兩折水位,睇長線少少,爆炸力可以好驚人。中國地產最新NAV約莫11蚊,現價2.39元折讓78%,只係NAV兩折水位。又中國地產股東權益195億銀,唔係嘢少。同集團股東權益近磅嘅內房股有北京北辰(588,股東權益125億銀),NAV折讓得番20%。至於碧桂園(2007,160億銀)及富力(2777,232億銀),PB同樣係兩倍樓上,中國地產折讓大得離晒譜。
再講,中國地產主打上海房產業務,集團兼喺南京路擁有優質靚地,而上海市又係阿爺屬意打造嘅金融中心,中國地產中線升值潛力,可以好爆炸。計計數,中國地產現價係咁意翻一番到4.78元,PB都係講緊得0.43倍,未有耐追到近磅股水位。