24歲前AV女優上原亞衣喺上年5月宣佈引退，之後有傳佢係為男友引退，而其男友正係嵐成員松本潤，不過雙方關係維持唔夠一年，男方就主動提出分手，令佢極為傷心，爆出原來松本潤唔止背女友井上真央嗒AV女優葵司，仲與上原亞衣有過肉體關係。

日前，上原亞衣突然喺Twitter公告有新企畫面世，唔少支持者都估計佢可能打算復出重投AV界。不過其實所謂嘅新企畫，只係期間限定嘅上原亞衣「Morning Call」，參加者可以喺一個月內嘅指定時間，收到上原亞衣叫你起身嘅電話，粉絲網站顯示暫時參加人數、時間同費用仍有待公佈。

昨午，上原亞衣亦透過Twitter澄清，話自己暫無意復出，亦唔會喺大家面前露面。