每年5月都來港開騷的五月天，今日有報章報道指因佔領行動令社會撕裂，政府計劃請慈善機構，於5月在啟德郵輪碼頭搞音樂會，鎖定藉台灣樂隊五月天吸引年輕觀眾入場，令人質疑五月天被抽水做政治工具。

今日本報向五月天演唱會主辦機構特高娛樂製作有限公司宣傳經理梁先生求證，他承認今年5月因訂不到紅館檔期，故考慮在啟德遊輪碼頭或添馬公園開騷，強調：「五月天個唱係私人演唱會，同政治冇任何關係。」

梁先生指因今年是五月天第十年來港開騷，計劃跟某慈善團體籌款，想搞新意思在露天場地舉行，目前地點仍未落實，對於被質疑是「維穩騷」，他澄清：「完全唔關事，如果政府搵慈善機構合作我哋都歡迎，但唔想拉上任何政治關係，演唱會令社會和諧舒緩情緒冇所謂，但唔會係政治立場出發。」

另外，五月天經理人表示，「五月之約」往年都在紅館開騷，今年沒申請到紅館檔期，只好另覓場地，經理人無奈說：「場地問題很麻煩，想過戶外唱，幾個場地正在選擇，但香港5月多雨，歌迷覺得不太適合。」她表示已做最壞打算，萬一場地遲遲未確定可能停辦。