民主黨林卓廷喺舊年6月底路經政總時,被去完撐警集會嘅藍絲打傷,事後警方就話搵唔到人而終止調查。既然克警唔做嘢,阿廷自己出手懸紅搵打佢嗰兩位藍絲。藝人王喜亦仗義幫忙,喺佢最新一集
《警棍》 訪問阿廷,順便幫阿廷宣傳懸紅計劃,王喜仲有條好橋畀藍絲、甚至打阿廷嘅施襲者添。
阿廷今日下晝就會開記招詳細講解,呢次懸紅13萬通緝兩位打人藍絲嘅計劃。而喺記招前,王喜就出咗新一集《警棍》,搵阿廷講吓點解會有呢次懸紅計劃,王喜仲問到,有冇諗過針對事發時袖手旁觀、並無拉人嘅瀆職警,告佢哋公職人員行為失當呢?阿廷話今次先緝拿藍絲係想起震懾作用,之後搵到足夠證據就追究有關警察係咪違反公職人員行為失當。
唔知今次阿廷出到懸紅呢招有冇用呢?王喜就畀咗條好橋藍絲,話晒而家疫情肆虐,留番個錢旁身點都好啲,再唔係打人嗰兩位藍絲搵啲熟人交自己出嚟,咁咪可以將啲懸紅五五分帳囉。
-----------------------------
【武漢肺炎】專頁 全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》
讀果 上架