汽車專家Tips｜打風雨季特別多平價車散貨 Check防火牆地毯尾箱免入手水浸車
蘋果日報 2020/09/25 00:05
水浸車
二手車防中招 教你幾招自己驗出水浸車
買二手車最驚遇到水浸車，尤其每當打大風落雨水浸後，特別多平價車出售，容易中招。想穩陣，當然是找專業人士先驗車後買車，但如果部車都只是三數萬元，未必捨得再花錢驗車的話，也可以自己盡綿力驗一驗，做個聰明的消費者。
打開頭蓋，可以檢查隔開車廂的防火牆隔熱棉有沒有弄濕過的痕迹。
如果經過嚴重水浸，Fuse箱內的保險絲，金屬「腳部」會呈白色氧化狀。
座椅下的地毯如果浸過水，質地會有點發霉，甚至有水迹。
作為一位汽車維修員，阿傑總有三幾招簡單招數傍身，今次就傳授給各位準備買車、換車又好驚水浸車的車迷。首先打開頭蓋檢查防火牆，再check Fuse箱，然後翻起地毯檢查，順便看看座椅底部路軌粒螺絲，之後用個鼻索一索車尾箱，最後如果可以升高檢查車底就最好。如果這樣也發現不到蛛絲馬迹，又如果上一手車主水浸完真的替舊車換足零件再徹底清潔出售，阿傑話，認命囉。
專業意見是如果水浸過錶板位置，整番都嘥藥費。
師傅阿傑說想萬無一失，最好找專業人士驗車，看看是否水浸車。
場地提供：日朗YR Motor Service
採訪：Michael
攝影：張洛晞
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！