噚日係張栢芝囝囝Lucas嘅8歲生日,仲連續兩日都有同囝囝慶祝添,Lucas就一定好開心啦,陪咗囝囝兩日,今日輪到栢芝自己happy喎,向來熱愛水上運動嘅佢,今日就同埋朋友包括Kitty媽去滑水。
今日Kitty媽喺網上貼咗幾張相,就係同埋栢芝去咗玩滑水,睇相見栢芝有姿勢有實際,除咗呢點之外,仲有一個重點,就係栢芝嘅身材喇,雖然佢着住件潛水衫包到實,但係都遮唔到栢芝嘅好身材,另外,栢芝仲有一張同朋友自拍照,相中栢芝伸晒脷咁,睇嚟玩得好開心喎。
另外,夏日炎炎最好係出海,顏子菲今午都喺微博貼圖晒三點式,原來佢去咗遊船河,認真高興﹗