田寮新村村民黃小姐投訴稱，她於上月以850元購買一部樂信牌十四吋電視機。日前電視機間中沒有聲響，她遂致電代理商預約師傅上門維修，其後她接獲代理商職員電話，指她因居於離島馬灣田寮新村村屋，須額外支付外勤附加費140元。
她說，「我聽到後第一個反應係，𠵱家交通方便咗咁多，都重要收外勤附加費？咪本能反應咁問佢，『住珀麗灣嘅收唔收？』，點知佢話唔使喎。重話人哋係大屋苑，又話呢啲係公司政策，總之問極都解釋唔到，點解同一個島，一啲收一啲唔收，我覺得唔係錢嘅問題，而係公唔公平嘅問題！」
珀麗灣用戶毋須付費
黃小姐稱，未發展前，馬灣數百戶村民依靠「街渡」出入，電器維修技工到馬灣工作，收取附加費或車馬費無可厚非，但現時馬灣已發展，隨着大型新屋苑入伙，有水路陸路交通連接，田寮新村與珀麗灣僅一街之隔，路程步行不需五分鐘。
「入珀麗灣同入田寮新村都係同一條路，又唔使轉車，唔明點解淨係我哋住村屋嘅先要畀外勤附加費？」
代理樂信牌電視機的信興電器服務中心有限公司，顧客服務部經理林麗華回覆本報稱，現時除珀麗灣的屋邨巴士及限時駛入的貨車可到達珀麗灣限定地點外，並無全面開放給外界車輛，貨車進入珀麗灣停泊超過半小時須支付泊車費，加上路途遙遠，所花交通時間等均屬「額外成本」。