當年今日
關於我們

【冇講會出碟】黃子華拋金句解釋上載收咪騷原因 莫待中招才o浪口

蘋果日報 2020/03/15 16:05

黃子華金盆o浪口蒸口罩

黃子華以往的棟篤笑都會出碟,讓未能入場的觀眾睇番整場表演。不過他前年的收咪棟篤笑「金盆o浪口」一直未有出碟消息,到日前才在FB宣佈金盆o浪口會以網上版方式播放,上映日期3月16日至4月8日,票價為$68,甚至連網上「座位」都有限。
今日子華就開FB Live,又在caption處留下「莫待中招才o浪口」,子華又在片中解釋將金盆o浪口放上網播的原因。子華說因為疫情而經常吽在家,他又抽蔣麗芸水說:「有日去探阿爺,阿爺冇嘢做,日日都蒸口罩。我有勸佢唔好咁,佢話就咁蒸梗係冇用啦,要用薑蔥爆爆佢。」之後就入正題,子華說:「我以往嘅騷,做下一個騷畀番大家睇(上一個騷),不過而家就冇下一個騷,咁……幾時呢?」子華即刻搬阿強上枱,他說:「阿強就話,一定就唔係而家,而家唔係好時機出呢個騷,乜嘢先係好時機呢?等你瀨咗嘢先至出啦!」子華覺得被阿強點醒:「就係佢令我覺得就係未瀨嘢之前拿拿聲出。」最後他說:「呢個世界乜都會發生,咁嘅瘟疫都要發生…」並拋下金句:「有衫要洗即刻洗,唔好等瀨嘢會無計。」
片段中子華未有確認會否出碟,不過有多年fans就留言表示儲了所有棟篤笑碟,希望收咪騷仍然可以出碟。農曆新年期間,子華賣樓開拍的電影《乜代宗師》失利,有人呼籲今次「當眾籌幫子華神買返層樓都要」,留言內都見反應熱烈,有人表示入場看完一次,今次上載上網都有買飛,全力幫子華回本。
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
empty
empty
黃子華今日在FB解釋,不想等到中招才搞網上播放收咪騷。