巴塞隆拿球星尼馬,早前轉新look將鬍鬚染白,啱晒聖誕節氣氛,而佢最近趁西甲歇冬就返咗巴西,仲頻頻出席慈善活動,好似喺拆禮物日,尼馬就參與咗四日來嘅第二場慈善足球賽,由尼馬朋友隊對聖保羅朋友隊。
呢場比賽夠晒精彩,兩隊踢成8:8,不過更加有娛樂性嘅係,當隊友羅賓奴就快被換出場時,竟然詐傷跌喺草地,而尼馬就好配合咁示意羅賓奴要抬出場,結果工作人員將高球車駛入球場之後,尼馬唔止幫手扶羅賓奴上車,仲親自揸車送佢出場。到差唔多完場,喺比賽中大演帽子戲法嘅尼馬,更加喺場邊除淨底褲,將成套波衫波褲都掟晒上觀眾席,入場嘅球迷真係有賺呀!
↓短片連結↓
http://bit.ly/1D0J12X