當年今日
關於我們
【粉絲贊成《RM》摺埋】3年前選擇留低反被Out 金鐘國腰傷嚴重照錄節目
蘋果日報 2016/12/16 17:00
Running Man
宋智孝
金鐘國
金鐘國於節目中坦言曾經想退出,但最後因為義氣而留低。
金鐘國拍攝《RM》經常都要貼住運動膠紙先可能進行拍攝
金鐘國之前晒X光片,表示自己腰椎間盤突出問題嚴重,要Keep住健身先可以改善
智孝同金鐘國被節目炒魷引起粉絲不滿
粉絲贊成廢除《RM》
有粉絲認為係炒作
韓國人氣綜藝節目《Running Man》(RM)成員之一嘅Gary於10月宣佈退出節目,而金鐘國及宋智孝前日再宣佈退出《RM》專注音樂及演員事業,令粉絲大感不捨,不過隨後《RM》被踢爆金鐘國同智孝係「被退出」節目,引起粉絲極度不滿,《RM》方面噚日發聲明向兩人道歉,不過就冇收回炒魷嘅決定。而今日《RM》就決定六位成員繼續留低,並會繼續完成拍攝至明年2月底。
而之前雖然SBS方面就炒魷事件公開道歉,但粉絲依然唔賣賬,更力撐金鐘國同智孝離開節目,有粉絲指金鐘國已經有好嚴重嘅腰傷,因為不停拍攝《RM》,受傷嘅部位一直都冇康復過,叫佢趁機休息吓更好,亦有粉絲翻摷金鐘國之前嘅發言,指佢去年於綜藝節目《Healing Camp》已經透露自己2年前曾經想退出節目,不過最後係因為同成員之間嘅好感情同義氣先留低,不過最後反而畀《RM》製作組Out走,令粉絲為偶像大感心疼,更加支持金鐘國離開節目。