王力宏同太太李靚蕾上月底宣報已婚後,一直謠言不止,而事實上婚後冇幾耐王力宏就好快投入工作,感覺上唔似新婚夫婦甜蜜痴纏。
王力宏噚晚又同太太分隔兩地,去到廣西南寧舉行演唱會,今次係婚後首場演出,當佢現身機場時,見到有過百名粉絲接機,仲高舉「「宏蕾永浴愛河」等祝福標語,似乎婚訊並冇影響王力宏事業。
追問佢太太係咪懷孕,王力宏只係笑而不答,話依家好開心同幸福,不過成日分隔兩地點維繫感情?佢話:「每天微信,也會打電話。」不過面對太太李靚蕾負面新聞好似愛夜蒲、疑整容、曾訂婚等,王力宏挺身護妻,揚言再有不實傳言就會採取法律行動,對太太投百份百信任票。