【抗暴之戰】落選建制派疑獲派公職 千名銀髮族聚集促杜絕政治酬庸

蘋果日報 2019/12/21 12:00

陳志全陳淑莊愛丁堡廣場銀髮族劉偉聰陳寶琼逆權運動陳振哲

民主派在11.24區選中大勝,惟有消息指,特首林鄭月娥打算委任落選的建制派候選人出任公職,以補償因政府硬推《逃犯條例》而引致的政治風暴。有銀髮族批評此舉「完全扭曲民意」,是「徹頭徹尾嘅私相授受、徹頭徹尾嘅政治酬庸」,並令選舉「變得毫無意義」,「一定反對到底」!過百名市民參與在愛丁堡廣場的集會。有銀髮族直斥政府輸打贏要、建制派可恥,「有少少骨氣嘅人都唔會接受呢啲嘢,咁樣起碼會畀香港200、300萬人唾棄。」集會結束後,大會宣佈有1,000人出席,又呼籲市民下周一參與遮打花園集會,抗議凍結「星火同盟」資產。
銀髮族:有骨氣都唔會接受政治酬庸
召集人譚先生發表宣言,指香港人不會接受林鄭月娥與落選建制派人士的「私相授受」,批評這是顯而易見的扭曲民意行為,實在不能接受。他更言如果有落選的建制人士得到政治酬庸,將會以「Name and Shame」的方式去羞辱他們,務求令他們拒絕接受這些政治酬庸。
接近70歲的程婆婆多次參與銀髮族集會,對於落選建制派或能獲得政府公職,程婆婆認為非常不公平,「政府唔駛話用啲嘢嚟補償佢哋,落選就係落選,選舉實有得有失。」他又指一切源於政府沒有回應市民訴求,促政府盡快回應訴求,「同埋釋放啲年輕人,見到佢哋會覺得好傷心、好心痛,希望佢哋保重身體,有一日喺煲底見!」
已過60歲的梁媽媽指由於自己是銀髮族,故參與今次集會特意地支持年輕人。她指作為市民,雖然無法控制政府給予落選建制派公職,「但一定會反對,會行出嚟」。她指年輕人為香港人犧牲性命及前途,「去衝我哋無本事,但一定會行出嚟。」她又斥「藍絲」不體諒家中的子女,「依家佢哋出嚟只係為咗伸張正義,呢半年我剩係覺得香港嘅細路生喺呢個年代好慘。」
64歲的邵先生表示,銀髮族過往是「超級和理非」,很關注警暴的問題,而警暴問題亦是運動發展下來市民最關注的事情,「警暴已經超越咗所有人可以容忍嘅限度」,指若香港無法解決這問題便沒法向前走。對於政治酬庸問題,邵先生認為政府輸打贏要,「建制派都可恥啦,有少少骨氣嘅人都唔會接受呢啲嘢,咁樣起碼會畀香港200、300萬人唾棄,如果建制派真係接受,我相信佢哋會永不超生」。
候任區議員籲市民「真正參與你嘅社區」
深水埗候任區議員劉偉聰發言時指,「政治酬庸」本指有能之士論功行賞,「但香港政府酬謝嘅係『庸才』,一啲盲目撐政府嘅落選庸才。」更指做法荒謬,令市民百思不得其解。他引述《信報》創辦人林行止批評林鄭壞事做盡,而他則認為林鄭蠢事亦做盡,「成個政府不斷靠保皇黨支持、依附,施政不佳嘅始作俑者根本就係班政黨,冇及時提醒林鄭做錯事。」他又指,知恥近乎勇,但建制派欲「有名而無恥」,呼籲市民於來年的立法會選舉,進一步制衡政府。
大埔區候任區議員陳振哲發言時指,林鄭是現時香港最庸才的高官。他提到,2003年後的區選民主派大敗,認為當時大敗原因在於市民不願再多走一步,「以前我都係港豬,但依家要醒啦,每人都要行多一步。」他呼籲若非預備參與立法會選舉,市民在社區需積極參與各組織,「真正參與你嘅社區,唔好畀建制壟斷呢啲組織,每人喺自己崗位再行前少少,要全民參與,贏返呢啲嘢返嚟。」
范國威斥林鄭無視民意海瀟
因選舉主任決定出錯喪失立法會議席的范國威指,經區議會一役民主派大勝,共產黨和專權政府定會展開多條戰線,勢要進行「帝國反擊戰」,於2023年選舉捲土重來。他又提到,林鄭今於禮賓府約見建制派落選人派公職,除了心靈慰藉之外,相信是要利用諮詢架構永續建制派地區實力,違反諮詢委員會本意,希望業內專業人士為政策補漏拾遺,「無視民意海瀟刮咗建制派一大巴」。他呼籲,候任區議員打陣地、持久戰,不止在政治立場企得堅定,更要以實務工作、善用資源服務市民,「唔好忘記每一票撕開都有血有汗」。
過去曾擔任過一些諮詢委員會公職的立法會議員陳志全及陳淑莊,指過去一些公職會委任民主派議員,「但係喺689年代,高靜芝就開始審批咩人可以入委員會,過去平機會同監警會都有啲民主派議員,依家係建制派世襲」。陳志全指過往劉江華及蔡若蓮落選後接受政府公職,「呢啲係好荒謬,但原來沒有最荒謬,只有更荒謬,對於落選區議員,市民可以做咩就係唔好比佢哋覺得無人知、無人關心,等佢哋知與民為敵係會得到更大代價,要等佢哋分到豬肉都唔敢食。」
直播重溫
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
-----------------------------
無懼警暴 學懂自救
《抗暴之戰●法例須知》讀果 上架
-----------------------------
【撐學生】
召集有心人 撐學生全年睇《蘋果》
立即按此
empty
empty
empty
empty
empty
empty
empty
empty
empty
empty
empty
empty