【預祝生日】Super Girls送驚喜 廖子妤望做編劇講自己故事
生日Super Girls廖子妤Fish余香凝
Super Girls、廖子妤(Fish)、鄺潔盈等噚晚出席公司開年飯局,期間一眾同門為今個月31號就28歲生日嘅Fish送驚喜,吳嘉熙(Cheronna)突然拎出巨型生日蛋糕,其他成員唱出生日歌為Fish預祝生日,令Fish好驚喜。
壽星女Fish運氣相當好,雖然因電影工作要提早走,但第一個抽中公司嘅現金獎,而Aka、Jessica都抽中,余香凝雖然身在日本開工,不過就被抽中公司現金大獎。
提到獲公司上下預祝生日,Fish直言起初仲以為係公司同事生日,佢笑言又驚喜又開心:「我係一個聽到生日歌,就會一齊唱嘅人,雖然當時唔知道係邊個生日,但我都一齊唱,當擰轉頭睇,生日蛋糕就喺我面前,先發現主角原來係自己。」
至於,今年生日願望,Fish希望承接上年嘅好運,繼續演出唔同嘅電影,而佢亦想試做編劇或者導演,寫自己嘅故事,不過內容始終未滿意,好慶幸認識到許多電影嘅同行,會請教佢哋嘢。
精選娛聞,喺晒《娛果》
http://fb.com/appledailyent