現年28歲嘅韓劇《Doctors》女星朴信惠今日認戀26歲嘅《奇怪的搭檔》男星崔泰俊，兩人因為被傳媒公開約會照而承認戀情，據了解兩人已拍拖逾一年，二人更不時到朴信惠父母開嘅烤腸店約會，擺明已見晒家長，感情十分穩定。

而原來兩人雖然低調發展地下情，但事實上都有迹可尋，當中兩人更先後着上同一件紅色運動外套，並自拍照片到Instagram，未知是一件衫兩份着，定係情侶裝，從二人Ig可見朴信惠於去年12月22號率先着上該件紅色運動外套，事隔一個月就輪到崔泰俊喺今年1月20號晒自拍照，兩人雖然唔同日子上載照片，但動作同眼神都好一致，可見兩人認真合拍。

另外，朴信惠近日飛咗去巴黎現身時裝周，當中佢噚日亦喺Ig上載與名模Irene Kim嘅合照，朴信惠仲風騷嘟嘴及晒V。而網民及粉絲對於朴信惠公開戀情都表示支持，唔少粉絲及網民都分別喺朴信惠及崔泰俊嘅Ig留言，祝福佢哋。

更多韓流，喺晒《娛果》
http://fb.com/appledailyent