曾演出韓劇《Oh My Venus》嘅34歲男星成勛，近年憑劇集《五個孩子》、《焦急的羅曼史》而人氣急升，佢日前更落實接《Running Man》男星李光洙棒，演出人氣劇《心裡的聲音2》男主角「趙石」一角。

人氣急升嘅成勛更係工作忙不停，上月尾飛到台灣出席品牌活動後，又擔任《MAMA音樂頒獎禮》日本站嘅頒獎嘉賓，日前更客串韓劇《Jugglers》，飾演白珍熙嘅男朋友。戲中除咗有佢同白珍熙甜蜜約會嘅戲份，更上演床戲，令劇迷臉紅心跳。

成勛更受邀於月底首度襲港，聯同一眾港星現身上水，出席「上水廣場除夕倒數迎2018」年末倒數派對，佢更特地晒自拍照約定粉絲。成勛當日除咗同港迷倒數迎接2018外，更會大開金口獻唱，甚至同粉絲近距離互動。

更多韓流，喺晒《娛果》
http://fb.com/appledailyent