香港演藝人協會慈善有限公司（PAGC）正式成立，今晚在尖沙嘴一酒店舉行成立典禮暨第一屆慈善晚會，PAGC董事成龍、曾志偉齊齊現身，不過成龍在拍照後，未有接受訪問便直接進場。

其他已到場的藝人還有惠英紅、方中信、薛凱琪、吳君如、溫碧霞、錢嘉樂、湯盈盈、秦沛、羅蘭、任達華、馬德鐘、林小明、吳千語、蔡瀾、曹永廉、張建聲、陳嘉莉等。據大會發出的採訪邀請上寫，草蜢、MIRROR、和憑《淪落人》有份角逐金像獎影后的姬素．孔尚治（Crisel Consunji）等擔任表演嘉賓。

演藝人協會第13屆會長古天樂同秘書長余安安一起受訪，古天樂表示：「今年因為演藝人協會攞咗一個慈善機構嘅牌照，叫做『88牌』，所以就可以正式成立一個政府認可嘅慈善基金，可以籌款，遲啲可以將一啲款項去幫助有需要嘅人。」

他們透露今晚的慈善晚宴主題叫「傳承」，古天樂說：「意思係將演藝圈所有前輩嘅經驗同演藝心得，可以傳承畀下一代。早前演藝人協會製作咗好多訪問片，特登去訪談一啲演藝界嘅前輩，包括毛姐毛舜筠，同佢哋去做一啲好深入嘅訪問，希望佢哋嘅經驗可以傳承畀下一代。因為早幾年有唔少前輩都有病唔舒服，希望可以喚起大家嘅關注，幫到佢哋更多。」余安安透露，暫時只是拍了7、8位前輩，她希望可以繼續拍下去。

古天樂續說：「同時亦希望盡量幫多啲新人，今日亦會launch一個由演藝人協會製作嘅手機應用程式，入面有得畀啲新人做自我介紹，畀啲題目佢哋，令各位電影公司老闆或製作公司可以去搵一啲合適嘅人選。」

問到今晚的籌款數字，古天樂及余安安都不肯透露實數，但兩人異口同聲表示「好可觀」，古天樂說：「唔想太focus落數字度講，總之就好可觀，其實個基金啱啱成立時係有本數喺度，但再加埋今晚籌到嘅善款，成個數目就好可觀。」問到他們除了晚會外，會否舉行其他活動或以其他形式去籌款，古天樂笑一笑說：「其實搞一個晚會都已經好辛苦㗎，大家支持我已經好感動，希望可以幫忙到人啦！」余安安再補充稱，今晚會開43圍，主要是演藝界嘉賓表演，不會有拍賣環節，大家都是來看表演。

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV